大澳炭燒雞蛋仔叔叔 (已結業)

聞名已久的大澳炭燒雞蛋仔叔叔, 次次行經都大排長龍, 最少有十多二十人, 只得一個叔叔用炭爐整雞蛋仔, 就算五分鐘可以整一底, 起碼要等一粒鐘, 通常經過都系去行山, 花一粒鐘等食雞蛋仔不太可能, 所以由始至終都沒有吃過, 今次入到大澳約下午兩點, 竟然得兩個人排緊隊, 機會難逢, 終於可以食一次了, 超開心。雞蛋仔大叔用炭爐烤焗, 名副其實的炭爐雞蛋仔。製作雞蛋仔、收錢及包裝一腳踢, 想快都幾難。終於有機會一試, 望落烤得焦黃香脆似的, 熱辣辣的雞蛋仔散發出陣陣的透人蛋香。咬一口, 雞蛋仔外不脆, 但內鬆軟香甜, 唔太甜膩, 蛋漿夠蛋香, 朋友話應該放置時間不夠, 所以令雞蛋仔皮不夠脆口, 真可惜, 雖然皮不脆, 但其實都幾好食, like, 下次有機會再食, 自己打開紙袋等耐些才吃, 那便可試到外脆內軟的炭燒雞蛋仔了。