星小宴

營業中

休息中

成日喺黃金海岸見到呢咋戶外位都相當嚮往，今日得知呢間星小宴仲有戶外炭爐邊爐食，戶外打邊爐已經相當有風味，呢度仲要係用傳統嘅炭爐，真係令人急不及待要即刻過嚟試下。秘製香辣雞煲，我哋選擇咗先食雞煲再加湯打炭爐邊爐，雞煲十分惹味，香辣俱備，雞皮微脆，唔知係咪經過走油處理，雞肉嘅份量都相當充足。手切特級安格斯牛肉，中間嗰幾塊牛肉擺成花冧形狀，賣相滿分，牛肉油脂均勻，一入口散發著淡淡嘅牛味，肉汁香濃，口感嫩滑。白菜豬肉餃，白菜豬肉餃餡料飽滿，菜肉嘅比例係我最喜歡嘅一比一，讚。爽口貢丸，貢丸菇味香濃，明顯無落太多粉，真材實料。趁天氣仲涼涼地可以再嚟返兜多幾次，始終炭爐要喺戶外，戶外要喺冬天。