影片
更多
2022-08-24
569 瀏覽
呢排工作忙碌，特別鍾意放工後去居酒屋食yakitori！去咗炮台山呢間主打燒鳥嘅六本·虎居 ，小店開業不久已經好有口碑。小店位置唔多，得4張餐枱+少量吧檯座位，平日都非常爆場，所以一定要提早訂枱！兩個師傅會喺面前燒烤，令人有一種身在日本當地串燒店嘅感覺，點咗一杯柚子酒小酌一番，好有風味！🍢煙燻鰹魚 $168🍡火炙海膽魷魚卷 $168🍢炙燒腦天 $168🍡雞冠 $62🍢雞胸 $58🍡雞胸$58🍢七里香$62🍡小青椒 $38🍢甜薯 $48🍡豆腐 $38🍢廣島蠔$65🍡鹽燒牛舌$58🍢紫蘇雞皮蝦卷 $68🍡明太子御燒飯團 $38🍢三文魚御燒飯團 $38🍡雞清湯 $48呢度嘅重點自然係雞串燒，小店選用本地新鮮三黃雞取替日本雞，新鮮雞確實味道同肉質都更好，雞胸好香雞味！七里香即係雞patpat，其實平時我係完全唔食雞patpat，但見到網上咁多人推薦又咁特別就點咗一串試下，點知真係好有驚喜！唔單止完全唔羶，反而油脂甘香，咬落juicy，好正！雞冠都燒得啱啱好，口感爽脆又唔韌！另外，紫蘇雞皮蝦卷都要一試，雞皮燒至金黃香脆，包住彈牙嘅大蝦，配上紫蘇葉獨有嘅香味，香而不膩！除咗串燒之外，呢度都有刺身及
去咗炮台山呢間主打燒鳥嘅六本·虎居 ，小店開業不久已經好有口碑。小店位置唔多，得4張餐枱+少量吧檯座位，平日都非常爆場，所以一定要提早訂枱！
兩個師傅會喺面前燒烤，令人有一種身在日本當地串燒店嘅感覺，點咗一杯柚子酒小酌一番，好有風味！
🍢煙燻鰹魚 $168
🍡火炙海膽魷魚卷 $168
🍢炙燒腦天 $168
🍡雞冠 $62
🍢雞胸 $58
🍡雞胸$58
🍢七里香$62
🍡小青椒 $38
🍢甜薯 $48
🍡豆腐 $38
🍢廣島蠔$65
🍡鹽燒牛舌$58
🍢紫蘇雞皮蝦卷 $68
🍡明太子御燒飯團 $38
🍢三文魚御燒飯團 $38
🍡雞清湯 $48
呢度嘅重點自然係雞串燒，小店選用本地新鮮三黃雞取替日本雞，新鮮雞確實味道同肉質都更好，雞胸好香雞味！七里香即係雞patpat，其實平時我係完全唔食雞patpat，但見到網上咁多人推薦又咁特別就點咗一串試下，點知真係好有驚喜！唔單止完全唔羶，反而油脂甘香，咬落juicy，好正！雞冠都燒得啱啱好，口感爽脆又唔韌！另外，紫蘇雞皮蝦卷都要一試，雞皮燒至金黃香脆，包住彈牙嘅大蝦，配上紫蘇葉獨有嘅香味，香而不膩！
除咗串燒之外，呢度都有刺身及卷物，最估唔到係呢度連高知名物－煙燻鰹魚都有！師傅喺席前打開玻璃蓋，未食已經聞到陣陣煙燻香。 鰹魚切得厚身，師傅用大火將魚肉烤至半生熟，食落肉質柔軟，喺煙燻香嘅襯托下，魚味仲更加突出，醬油漬蒜頭都好食！
是晚仲有罕見嘅腦天，即係魚頭頂部位，見到當然唔可以錯過啦！腦天魚油豐腴，火炙後迫出油香，入口即溶！
火炙海膽魷魚卷好特別，爽口彈牙嘅魷魚包住鮮甜嘅海膽，口感同味道都更有層次！
雞清湯每啖都係精華，入口好鮮甜！以雞湯作結，暖胃又暖心。
小店服務都好殷勤，會留意客人食嘅速度而調節出餐，好細心！
張貼
