影片
更多
2021-06-17
1989 瀏覽
呢年幾真係homesick得好嚴重，唯有到處去日式鋪頭食下玩下，一解思鄉之苦。天吉屋係一早bookmark嘅餐廳之一，平時晚餐實會大排長龍。所以今日趁公司要消假就喺閒日過黎撐枱腳。內堂可以直接望到廚房，睇見師傅落力咁烹煮，就佑呢度嘅炸物即叫即炸，品質有保證。呢度餐點只有5款，啱晒我啲有選擇困難嘅麻煩友。一場嚟到，就梗係點呢度嘅主打啦，天幕御膳＆天吉丼。兩款都份量十足，絕對值回票價。落完柯打，即刻送上椰菜絲，冰凍又爽甜，再配埋甜柚子醋，開胃之餘又解膩。食完炸物最啱再食多round幫助消化。天幕御膳有黑虎蝦／海紅鯛／軟殼蟹（店員解釋因為魷魚無貨所以轉呢個替補）／炸洋蔥餅／茄子／南瓜／炸紫菜及四季豆等。每樣都炸得香脆又唔油膩。呢個餐同鰻魚飯一樣有3種食法：原味／醬汁／茶漬飯，因為材料豐富，可以食勻全部食法。黑虎蝦同鯛魚炸完後甜味更突出，沾上少少蘿蔔蓉同醬汁，味道更豐富。炸衣做得好乾身同鬆化，一啲油益味都無。日本過江龍果然名不虛傳。仲有當然唔可以放過茶漬飯啦(~記得問店員攞高湯)，覺得炸洋蔥最啱用黎整茶漬飯，一絲絲洋不但吸滿湯汁，本身嘅甜味同高湯十分配搭。招牌金賞天吉丼。同樣份量爆棚，材料同樣
內堂可以直接望到廚房，睇見師傅落力咁烹煮，就佑呢度嘅炸物即叫即炸，品質有保證。呢度餐點只有5款，啱晒我啲有選擇困難嘅麻煩友。
天幕御膳
$148
28 瀏覽
0 讚好
0 留言
天吉丼
$118
26 瀏覽
0 讚好
0 留言
落完柯打，即刻送上椰菜絲，冰凍又爽甜，再配埋甜柚子醋，開胃之餘又解膩。食完炸物最啱再食多round幫助消化。
天幕御膳有黑虎蝦／海紅鯛／軟殼蟹（店員解釋因為魷魚無貨所以轉呢個替補）／炸洋蔥餅／茄子／南瓜／炸紫菜及四季豆等。每樣都炸得香脆又唔油膩。呢個餐同鰻魚飯一樣有3種食法：原味／醬汁／茶漬飯，因為材料豐富，可以食勻全部食法。
黑虎蝦同鯛魚炸完後甜味更突出，沾上少少蘿蔔蓉同醬汁，味道更豐富。炸衣做得好乾身同鬆化，一啲油益味都無。日本過江龍果然名不虛傳。
仲有當然唔可以放過茶漬飯啦(~記得問店員攞高湯)，覺得炸洋蔥最啱用黎整茶漬飯，一絲絲洋不但吸滿湯汁，本身嘅甜味同高湯十分配搭。
招牌金賞天吉丼。同樣份量爆棚，材料同樣係黑虎蝦／軟殼蟹／海紅鯛／茄子／南瓜／炸紫菜及四季豆，仲有隻半熟溫泉蛋。大大條嘅鯛魚炸得啱啱好，內裡仲好濕潤。炸衣上嘅柚子皮碎除咗提香，仲可以中和少少油炸感，恰到好處。
炸紫菜絕對係畫龍點睛之作，完全表現出師傅嘅炸功的確有一手。
各款食材同樣炸得香口鬆脆。食丼飯最好味一定一定係珍珠米上淋上大量醬油，再撈埋個半熟玉子，咸甜醬香味加上蛋汁，真係無得彈。
另外，不得不提呢度嘅牛蒡漬物同牛蒡茶係加分嘅地方，不但開胃消滯，仲有助降膽固醇，最適合配黎食呢啲熱氣嘢。哈哈。整體炸物同米飯味道都唔錯，喺無得去旅行嘅呢段時間以咁嘅價錢，可以食到咁上下質素嘅炸物料理，絕對值回票價。一解思鄉之苦。
張貼
