蓮香咖啡

營業中

休息中

成日都話炸嘢冇難度，乜嘢都掉晒落油鑊度炸熟佢，只要唔好炸燶就OK啦，不過你食得越多炸嘢，你就越知道其實要揸得好食都唔係咁簡單，而呢檔大排檔炸嘢就真係唔錯。我哋去咗炸豬扒同埋炸雞翼，炸豬扒佢就話係招牌菜，當然好食啦，不過佢個炸雞翼都唔錯，首先就係豬扒同雞翼冇雪味，當然大前題我唔信佢會用新鮮貨啦，所以無雪味係非常重要，第二就係豬有豬味雞有雞味，呢個咁普通嘅嘢好多地方都做唔到㗎，第三就係無油益味，呢個就難度更高。另外仲叫咗個自家製韭菜餃，味道OK，啲餡料都幾新鮮。飲品就叫了紅豆冰同埋熱檸蜜，飽晒。