影片
更多
2022-08-03
57 瀏覽
猶記得細個去沙嗲王唔覺意叫左成台炸物，食得好辛苦，今餐同樣唔炸唔食，但完全冇油膩不適感，反而感受到食材原味，回味無窮。牡丹蝦極上雜錦刺身七品 ($388)非常抵食，淨係兩隻真係新鮮爽彈既牡丹蝦同清甜既海膽已經值回票價。 作為炸物專門店，樣樣刺身都咁靚料已經有驚喜，最估唔到係食到咁上下，店員主動提出可以拎蝦頭去炸，回想起之前去中高檔壽司店問過有冇得炸埋蝦頭，店員愕然到聞所未聞咁，高下立見。 雖然未去到爆膏既水平 ，但蝦頭炸得好透，連蝦鬚都鬆化香口，灑左少少鹽，作為獨立一款炸物小食都唔失禮。黎到今晚既重頭戲，當然要試下佢地既串揚。 同朋友一致大愛黑豚肉韭菜卷 ($48/2)，淨係睇個組合好普通咁，但韭菜真係好新鮮，一咬落去係前所未有咁爆汁同香韭菜味，香口又健康。子持昆布 ($76/2)其實係厚切希靈魚，魚春卜卜聲咁食到好爽。煙熏豚肉 ($44/2)食到自家製味道，我鐘意佢厚切彈牙夠咸香，唔會太油膩。沙錐魚 ($72/2)非常幼嫩，魚味偏淡，同食九肚魚差唔多感覺。 芝心竹輪卷 ($36/2)略嫌冇想像中咁重芝士味，再塞爆d個竹輪卷會更加岩芝士控既口味。極上海鮮拼盤 ($168)好大堆頭，有炸
牡丹蝦極上雜錦刺身七品 ($388)非常抵食，淨係兩隻真係新鮮爽彈既牡丹蝦同清甜既海膽已經值回票價。 
作為炸物專門店，樣樣刺身都咁靚料已經有驚喜，最估唔到係食到咁上下，店員主動提出可以拎蝦頭去炸，回想起之前去中高檔壽司店問過有冇得炸埋蝦頭，店員愕然到聞所未聞咁，高下立見。 雖然未去到爆膏既水平 ，但蝦頭炸得好透，連蝦鬚都鬆化香口，灑左少少鹽，作為獨立一款炸物小食都唔失禮。
黎到今晚既重頭戲，當然要試下佢地既串揚。 同朋友一致大愛黑豚肉韭菜卷 ($48/2)，淨係睇個組合好普通咁，但韭菜真係好新鮮，一咬落去係前所未有咁爆汁同香韭菜味，香口又健康。
子持昆布 ($76/2)其實係厚切希靈魚，魚春卜卜聲咁食到好爽。
煙熏豚肉 ($44/2)食到自家製味道，我鐘意佢厚切彈牙夠咸香，唔會太油膩。
沙錐魚 ($72/2)非常幼嫩，魚味偏淡，同食九肚魚差唔多感覺。 芝心竹輪卷 ($36/2)略嫌冇想像中咁重芝士味，再塞爆d個竹輪卷會更加岩芝士控既口味。
極上海鮮拼盤 ($168)好大堆頭，有炸虎蝦、蠔、帶子同魚柳。 雖然同串揚係唔同既粉漿，但吉列炸法都唔會好厚皮，虎蝦咬開一半都係見到大大隻既蝦肉，真材實料。 海鮮拼盤全部都夠新鮮，炸蠔炸得乾爽，醬汁都做得幾有誠意。
唐揚魷魚鬚 ($58)好惹味，其實一直都鐘意食炸魷魚鬚，但街頭小食或者大排檔出品都好參差，呢度炸得熱辣辣，魷魚夠鮮味彈牙，過足口癮。
日本紫芋甘栗薯餅 ($38/2)啖啖都食到栗子粒同紫芋蓉，足料香甜。
張貼
