小鍋米線

營業中

休息中

元朗小鍋米線，門口經常排長龍，不論係外賣定堂食等位都係長期都有人等緊，單係咁，就知佢嘅嘢係有返咁上下質數。今日我同太太一行兩人就食咗以下嘅嘢，等我係到同大家分享一下。蒜泥白肉($30) - 與坊間的白肉有少許分別，係唔係薄切，有少許厚度，帶點點軟骨位，個蒜泥偏濃味，但唔霸道，面頭加點酸菜，整體配合幾好，好食呢。南乳雞件 - 南乳味重，炸得肉嫩多汁，炸得非常好，雞肉入味，好食。香炸豬扒 - 豬扒鬆化，五香粉及胡椒香味入晒豬扒裡頭，無豬臊味，同樣炸得好好，豬扒外脆內嫩，有肉汁，好食。成都酸辣米線 - 炸物配菜與湯頭係分開上的，唔會令到個湯頭油膩，湯頭係有鮮味唔係鹹味，而辣味不太明顯，我個人係幾仲意呢。整體食物質數好好，係衰在位少座位迫，留候時間時啫。