海鱻城

營業中

休息中

樂富廣場翻新後，不單環境光鮮乾淨了，也多了很多不同食店進駐。海鱻城是商場內一間新開茶樓，今晚跟親友晚飯，長輩們都只吃中菜，一於到海鱻城試試。＊＊＊＊＊＊＊＊＊＊＊＊＊＊＊鱻讀音為鮮，意思也跟鮮一樣，所以可以想像茶樓以海鮮最出名。茶樓環境乾淨企理，非常光猛，座位不會太擠迫。茶芥$15/位，小吃是話梅花生，$20/碟，收費合理，加了話梅令花生多了酸甜味，幾特別。七味鹽燒豆腐($58)炸皮夠薄夠脆，豆腐很滑溜，鹹鹹地幾惹味。山楂咕嚕肉($108)咕嚕肉大小適中，炸皮不會過硬過厚，仍帶點脆口，酸酸甜甜幾開胃，不過山楂味就不太嚐到。沙拉汁脆蝦球($138)蝦球肉質結實爽彈，炸皮即使沾了沙拉汁但仍保持脆口，蝦球中間還有不少菠蘿。櫻花蝦炒飯($108)炒飯幾大碟，足夠四至六人分吃，飯炒得夠乾身，加入櫻花蝦令炒飯多了脆口感，口感豐富。健康乳酸糕($28)乳酸糕出面未見過，幾特別就點來試試，味道像淡味版益力多，味道不俗。總結，食物整體不俗，定價合理，環境乾淨整潔，下次想食中菜都可以試試。