影片
更多
2018-03-27
2679 瀏覽
自從堅尼地城地鐵站開通左之後，去西環都方便左好多，但身為吃貨既我，竟然咁方便既西環都無去過，真係講唔過去🤐。結果今次趁收工順路，就去西環覓食。😎黎到堅尼地城，向海邊方向行去，沿途矮舊既樓宇、清靜既路面、海浪聲、外藉遊客，都令我覺得係旅途中，心情都格外輕鬆😌。我地揀左一間向海既西餐廳，雖然地方唔好坐，但環境裝修得唔錯😏；呢度主打烤雞同炸魚；同朋友商量後，決定點個二人套餐 $298，兩款主菜都食得到😋；頭盤一 – 煙三文魚沙律配蜜糖刁草汁成碟沙律充滿油光，食落都幾重油膩感，但好彩醋夠酸，分量夠多，先可以降低油膩感，加上煙三文魚無平時食開既咁鹹，先食得哂個沙律咋頭盤二 – 滋味海鮮籃 (+$30)包括兩條炸魚條、兩隻炸蝦、兩粒似吞拿魚既魚球、應該有一條既炸魷魚，再配上一個蒜味忌廉醬，但我覺得個醬唔好食，無鹹味、無酸味、油膩感重，本身食炸野已經油，配埋個醬就更加油，所以唔點好過點😑除左魷魚之外，其他三款都炸得比較重手，較硬身，味道亦無咩特別🙄；反而炸魷魚係全場最有驚喜，一黎炸粉超薄，二黎魷魚好軟身，完全唔韌!! 我見呢個海鮮籃原價係$130定$140，以呢個分量同質素，好似貴左D🤔主菜 – 傳
黎到堅尼地城，向海邊方向行去，沿途矮舊既樓宇、清靜既路面、海浪聲、外藉遊客，都令我覺得係旅途中，心情都格外輕鬆😌。
我地揀左一間向海既西餐廳，雖然地方唔好坐，但環境裝修得唔錯😏；呢度主打烤雞同炸魚；同朋友商量後，決定點個二人套餐 $298，兩款主菜都食得到😋；
頭盤一 – 煙三文魚沙律配蜜糖刁草汁
煙三文魚沙律配蜜糖刁草汁
82 瀏覽
0 讚好
0 留言
成碟沙律充滿油光，食落都幾重油膩感，但好彩醋夠酸，分量夠多，先可以降低油膩感，加上煙三文魚無平時食開既咁鹹，先食得哂個沙律咋
頭盤二 – 滋味海鮮籃 (+$30)
滋味海鮮籃
$30
60 瀏覽
0 讚好
0 留言
滋味海鮮籃
$30
63 瀏覽
0 讚好
0 留言
包括兩條炸魚條、兩隻炸蝦、兩粒似吞拿魚既魚球、應該有一條既炸魷魚，再配上一個蒜味忌廉醬，但我覺得個醬唔好食，無鹹味、無酸味、油膩感重，本身食炸野已經油，配埋個醬就更加油，所以唔點好過點😑
除左魷魚之外，其他三款都炸得比較重手，較硬身，味道亦無咩特別🙄；反而炸魷魚係全場最有驚喜，一黎炸粉超薄，二黎魷魚好軟身，完全唔韌!!
我見呢個海鮮籃原價係$130定$140，以呢個分量同質素，好似貴左D🤔
主菜 – 傳統英式炸魚配薯條 & 烤雞半隻配薯蓉
主菜中既炸魚用上紐西蘭籃鱈魚，如果轉其他魚款就要加$30-$55，即使同價既魚都要加錢，呢一點我就真心覺得小店有D小家😐，既然單點都係同價既魚，點解要加錢轉呢?🙄
炸魚都算大份，而且幾厚身，魚肉唔乾又唔算滑；
但粉漿確實偏厚，而且炸到有點過火!!
烤雞半隻配薯蓉
52 瀏覽
0 讚好
0 留言
另一款主菜，烤雞色澤好靚而且香氣撲鼻，雞肉雖然稱唔上嫩滑，但烤到肉同骨好易分離，調味岩岩好，都可以一試
烤雞半隻配薯蓉
54 瀏覽
0 讚好
0 留言
至於薯蓉，有D似用薯粉開出黎既質感，雖然入有少許薯仔粒同煙肉，但食落無薯味，唔好食😥
餐飲 – 檸檬紅茶 & 1664 Blanc (+$30)
檸檬紅茶 & 1664 Blanc
36 瀏覽
0 讚好
0 留言
檸檬紅茶唔會太甜；1664 Blanc唔錯，無左酒既苦澀味之餘，仲會有一陣果香味，我幾中意
總結，呢度既炸物都炸得比較過火，炸到硬身；而且炸粉好厚，食落油感重，所以炸物絕對唔推薦；另一主打既烤雞，味道唔錯，中意食軟淋肉類既人士就岩，但如果想食嫩滑雞既人士可能會失望。
張貼
