鳳城小食

營業中

休息中

細個姑姐帶我去太源街買玩具，多數都會嚟呢間小型食店。印象中炸物唔錯，大個後好耐冇幫襯過，今日一心嚟回味，點知…… 先上嘅係炸豬排，加價預咗，$14一份，但質素好差。同朋友食第一件，都係凍嘅。正常叫佢換，朋友同我講，第二件熱嘅！佢連埋一排嘅就熱，獨立分開三四件嘅就凍，好明顯唔係嚟自同一塊豬排。我點知你係咪畀人地食剩嘅我，加半塊豬排就當一塊？ 豬排好硬，費事浪費食物先勉強食完。雞翼塊皮都脆，但油「壓」味好重，油應該好耐冇換。雞翼裡面乾，無肉汁，雖然都ok大隻。朋友同我講，炸翼用大隻嘅注定失敗。 破壞哂我啲童年回憶