旅鍋火鍋私房菜專門店 (已結業)

我覺得，炸物是神級！炸魚👍🏻👍🏻外好脆，內滑上圖是炸黃金魚皮，脆絕右下，鱔皮，第一次食，好味到哭。食唔晒拎返屋企，屋企人大讚。辣果邊似我以前係四川都買過果種邊爐磚，唔知佢邊度入貨，呢隻磚其實係正嘢嚟。不過佢呢隻唔夠我係成都買果d麻。不過呢種湯底就係會肉眼睇到舊油，可能有啲人會抗拒呢一點。牛都好好味，牛舌爽，牛粒香嫩午餐肉冇入鏡，午餐肉佢應該買咗d靚牌子，其實唔適合打邊爐用，打邊爐應該要長x牌先夠入味的。飯後，有糖水，正如其他人講，冷氣好凍！不過我哋要求校細啲，佢地就校細了。環境都適合傾下計，坐下慢慢食。後來打包拎走時，佢哋幫手包好食物，打包時都斯斯文文的，包得幾整齊，都幾好服務。無優惠乜都冇，一共叫了三個炸物十個邊爐料，三人行，一人食咗五百幾，貴係貴啲，不過食得開心就接受到嘅。