興華茶餐廳 (已結業)

今天去光顧時，見到店員同街坊的對答：店員：午安！今日想食下午茶？定食晚餐？老婦人：我今日食左早餐，冇食午飯，而家早d 嚟食一個晚餐。店員：好吖！今日有豬手，好淋㗎，你今日想唔想食豬手？老婦人：豬手？好喎！店員：我記得你鍾意食豬手尖，我夾多d豬手尖俾你，好唔好？老婦人：好喎！店員：飯餸分開上，食唔晒可包走吖！老婦人：好喎！店員：飲唔飲湯？今日係木瓜湯，木瓜好“淋”，你咬到㗎，上半碗湯俾你飲住先？飲完想飲再加，好唔好？老婦人：好喎！店員：食住飯飲住湯先，一陣先上餐菜俾你，好唔好？老婦人：好喎！一間係柴灣區舊公屋區內又冇乜特色裝修嘅茶餐廳，d傢俱又殘又舊，但係食物唔單只好味，仲有好濃厚的人情味，呢位年青香港人店員，你今時今日咁嘅服務態度，係101分㗎！#支持小店，下次開小差再去!👍#店員真係好有心，仲好靚仔😍#炸脾好食，奶茶好掂!🤤#人間有愛❤