三多炸肶 (已結業)

全店有六張櫈，再加幾個企位。下午茶時間雖然唔使排大隊但店內嘅位都坐滿左喇。收錢的店員好有禮貌呀，叫我等一陣好快有位。鷄脾都未炸好就有位了。有一排冇幫襯，炸脾加左價，由$29 加到 $30，加一蚊唔過份。雞脾即叫即炸，要等幾分鐘。皮脆肉嫩入味多汁，簡直會令人食上癮。豉油肉碎炒腸粉 $35好耐冇食過咁有鑊氣嘅炒腸粉，即叫即炒。肉碎有醃味，加埋豉油，係好味，但略咸。腸粉雖然沾左豉油，但比較淡味，同肉碎一齊食就啱啱好喇。