唐揚日式炸物小食店 (已結業)

係掃街日最後一篇。見唐揚係好評食店，又試下。得意雞，應該係呢到既名物，要等上好幾分鐘先有得食，熱辣辣，唔太油，食落雞肉夠滑，配埋個醬，好食。以這水準，係d日式連鎖店隨時收我五六十蚊，呢到$18蚊有9件，平均$2蚊件，真係抵食。炸芝士，舊野軟身，芝士幾多，不過無咩芝士味，$12蚊舊，相對得意雞，較為失色。呢到幾抵食，仲有幾款野想食，下次經過再食過。