歐意餐廳 (已結業)

<<Daily 豬仔為食記🐖>> 作為北區人，粉嶺上水兩邊遊走，基本啦！🤣今日帶大家去到彩園邨嘅一間餐廳食，食又飽肚又幾好味嘅餐款！講真呢度啲Menu好多，食物嘅款式同種類真係多到數唔晒，每次嚟呢度都要諗乜諗食咩好，不過我就推薦以下幾款，咁你就唔使諗多啦🤪😋首先係佢嘅蛋包飯，佢有好多種蛋包飯，例如鰻魚，炸蝦，豬扒，雞扒等等，主要係佢嘅蛋包飯都做得幾出色，加上你可以揀自己想要嘅醬汁，有咖喱汁同埋茄汁，咁我個人呢就會揀咖喱汁！因為覺得茄汁有少少普通同埋有啲太酸，我就唔係幾鍾意！而去上面你可以揀鰻魚炸蝦咁，睇吓你自己鍾意食嘅種類，但一般佢都做得幾好，唔會話太難食，不過就既推薦鰻魚！🥳🥳🥰然後，每次嚟我都會點佢個炸薯角，佢會附上番茄醬，但係你可以同佢講想要個沙律醬，兩個一齊點，其實都幾正㗎！加上佢嘅薯角炸得好香脆，而且裏面嘅薯蓉好有薯仔味，所以每次嚟我都會點！😎😂🥳推！佢嘅下午茶餐款式真係好多！卡邦尼意粉同埋一啲麵包小食，牛角包等，款式幾多，其實有好多野可以揀！加上佢真係好平，30幾蚊就有個茶餐，仲加杯餐飲，食物嘅品質又唔會太差，所以如果想填飽肚仔，其實呢個一個