豪隍點心 (已結業)

一拖四個韓國朋友，本來想去厚福街食桂記雲吞，但原來唔知幾時已關門大吉，佢哋想食點心，就求其入咗呢間，好彩係好嘢門面似劏遊客，但價錢每款都你廿幾卅蚊，同外面一般點心店相若。除咗一般蝦餃燒賣外，仲有懷舊點心，如蛋煎糯米雞，豬潤腸粉等等，選擇非常多。除咗包類外，樣樣都幾有水準，最like炸蝦角，好味到叫咗兩rounds，新鮮熱辣炸起，100%啖啖飽滿彈牙蝦肉, 古早味調味，舊式的味道。 另外一個特別之處係，佢唔係俾中式茶，而係俾日本玄米茶，韓國朋友飲唔慣，想要凍水，但要$2一杯，韓國朋友當堂O哂咀。