星怡 (已結業)

本黎呢個場樓上買外賣飲品，咁𡙡去呢到揾食。望落無乜邊間下午茶吸引我，咁就求其間最近厠所嘅，哈。入去之前已唸定要試佢千層糕，因為呢個虺唔正宗，好唔好食，一試就知。呢個，比我食林身，出面食好多時唔知係咪放耐左，較硬，而呢個就真係覺得一種新鮮感，有蛋糕feel不死實，斑蘭味啱啱好。等左少少耐，見佢出左幾次外賣都末到碗麵。原來值得等。碗喇沙味道唔算好濃，都正宗嘅，不過相對淡味左2成左右，同埋辣度唔夠，但反而家喜歡無咁辣嘅。最值得等嘅係個炸豆腐，真係外脆內較，因為係山水豆腐質感，再配薄炸漿，上枱食熱辣辣正。杯黑糖寒天椰汁冰，椰汁配寒天原來絕配，整體一個下午茶價，配靚景，再加好好座，有機會再來。