金源至尊炸醬麵 (已搬遷) 新店位置

揸車經過附近， 晚上九點幾晚餐都未吃， 求其走入金源至尊炸醬麵醫肚。 地點位於土瓜灣， 對於我嚟講唔算方便。 我好鍾意吃炸醬麵， 尤其是港版🤩， 所以當然要點返碗嚟試下，金源至尊炸醬撈麵， 然後仲有牛肚牛筋腩麵、腐乳通菜、 凍檸茶。⭕凍檸茶～ 一杯茶餐廳正常的凍檸茶。⭕金源至尊炸醬撈麵～ 最喜歡港式炸醬麵的鮮紅顏色， 酸酸甜甜帶辣， 食落非常開胃又惹味， 但我覺得酸度不夠所以我自己加了醋， 令到味道更加提升， 至於肉絲方面， 軟滑有嚼口，幼麵的質感好， 加埋幾好味嘅湯，整體感覺唔錯。⭕牛肚牛筋腩麵～ 牛肚牛筋腩很軟腍， 不過原先想吃水餃， 但因為太夜所以冇貨， 下次有機會再嚟試下。⭕腐乳通菜～ 等了好耐的腐乳通菜， 成碗麵食曬先到， 份量少但通菜的口感好幼嫩。整體食物質素可以， 價錢相比不算抵。