Sodam Chicken (已結業)

同幾個好鐘意去韓國嘅朋友聚一聚，又點可以唔食韓國野呢今次就食炸雞！我地黎到中環，舖頭細細，分上下兩層，迫迫地都有十張枱。我地一坐低就睇下個menu，都有好幾款炸雞選擇，花多眼亂，我地三個又叫唔到咁多，最後決定叫個二人餐，再加多一份標準分量嘅炸雞。二人餐我地選擇左黃金鹹蛋炸雞，魚串湯，芝士薯條，仲包兩杯飲品添！另外就加左個蜜糖蒜香焗雞。野食好快就到喇！芝士薯條鋪有滿滿嘅芝士粉，薯條熱辣辣，都不錯呀！之後我杯特飲送上喇！好大杯呀！有成塊面咁大呀佢個味道有少少似有汽嘅菊花茶，適合我依個鐘意飲菊花茶嘅人。魚串湯有兩串魚串，仲有菜添，可以中和一下食炸野嘅熱氣。主角炸雞到！依個黃金炸雞係無骨架，食落啖肉，適合懶惰嘅我食落有鹹蛋嘅香，又唔會太搶，都幾好食呀！仲有蜜糖蒜香味，依個係有骨嘅，有骨嘅會比無骨嘅滑少少，食落甜甜地，又中和一下鹹蛋嘅鹹味，不錯呀！