快樂蜂 (利基大廈) (已結業)

係香港開左咁耐都係第一次試，想試好耐因為聽講炸雞好好食。餐廳好細間，無乜堂食位。淘大分店無下午茶餐，少左選擇，價錢都偏貴，兩件雞加中薯條同汽水已經要40幾蚊。炸雞好大件，大過kfc好多，額外有蘑菇醬點雞，不過本身雞太鹹，蘑菇醬又鹹，根本唔會點。炸雞口感好可惜味道太鹹，皮算薄好脆口，雞肉多汁算嫩滑，但真係太鹹，鹹到好似食鹽咁，食一次就夠，唔會再食。薯條都一般般，份量得好少，唔脆有少少腍。整體性價比太低，試一次就夠。