Chibee Chicken and Beer (已結業)

今日一個人去到尖沙咀，本身約左個朋友食飯，臨時比人甩底，唯有一個人照原定計劃去食飯。韓國餐廳食炸雞，超鐘意韓國菜既我，一個人挑戰一碟炸雞。忌廉尖椒炸雞。濃香忌廉醬入口香滑奶香重，炸雞香脆皮薄，雞肉嫩香保持肉汁，唔會有油溢味入口唔覺油膩。炸粉薄薄唔厚粉，雞肉比例較多，啖啖肉夠哂豐富。旁邊有沙律，清清味蕾。蒸韓國餃子。餃子皮薄豬肉餡多，調味咸香濃郁，沾上醬油好惹味。中間有驚喜有微微湯汁。奶昔。滑溜奶昔入口唔覺膩口，配炸雞好正！