My Ahjussi (已結業)

最近多咗搵大角咀返工嘅朋友食飯，今日就約定佢食韓國菜。呢間My Ahjussi嘅裝修充滿浪漫滿屋嘅感覺！餐牌除咗中英對照之外，仲有韓文，可見佢哋嘅出品都幾正宗。我都冇諗過食韓國菜可以有素食餐牌嘅選擇，顧及不同需要嘅食客。點餐之後，店員會先奉上前菜，嚟得韓國餐廳，當然唔少得有泡菜啦，而另外兩款就係醃蘿蔔同埋小紫薯，食完非常開胃。香港人就最鍾意食卡邦尼意粉，而呢個Carbonara就混入咗泡菜一齊製成，呢個crossover完全係零違和感，真係出奇地夾喎！依家食韓國菜，除咗食Kimchi之外，就一定令人諗起炸雞，所以我哋都叫咗一份炸雞食，因為朋友怕辣，所以揀咗蒜香蜂蜜味。佢嘅炸雞真係超好食，外面脆，入面勁juicy，點解可以做得咁好食嘅呢?!😱熱朱古力都有簡單嘅拉花，呢個熱朱古力奶味相對地重，而且唔太甜，都幾好飲。簡單嘅一杯柚子梳打，最緊要夠凍！其實唔辣嘅韓國菜都有好多選擇，而且都好好食㗎 ！