韓讚 (已結業)

韓國電影【炸雞特攻隊】超爆笑，搞到好想食炸雞。今晚搵咗呢間餐廳食韓國餐，食炸雞。人氣唔少，隔籬檯食緊放題，$238有交易，仲有好多好嘢食。不過，我哋兩個驚食力唔夠，蝕水，所以都係散叫。叫支Hite 啤，啤啤佢，食住gimchi，等上菜。啲嘢上得好快，一次過就上晒嚟，【韓風烤肉盒】、【韓式柚子炸雞】和【窩蛋生牛肉石頭飯】。樣樣嘢都熱辣辣，超正!【韓風烤肉盒】用鐵板上，渣渣聲。上面有三款烤肉，雞、牛、豬，醃得入味，烤出香味，好食!【韓式柚子炸雞】一籃裡面有好多件，外脆內軟，雞肉仲係好juicy。點柚子醬來食，就覺得多了一種甘甜味。【窩蛋生牛肉石頭飯】份量幾大。將生雞蛋撈勻，令到啲飯滑啲。再將下層啲燶燶地的飯焦翻上來，一起撈勻。食落有蛋香軟滑感，又有脆脆飯焦口感。食晒感到好飽，本想食甜品的念頭都要打消了。