肉餅哥小炒料理 (已結業)

沒什麼好得過好朋友ad hoc 咁約都能相聚其實人越大朋友越來越少，我們亦因為嫁人，已經遠離沙田區luuuu~ 所以今晚顯得格外珍貴。本來同班gals 諗住去m3，點知k姐好揀唔揀話要食肉餅哥，無得訂位，即係要自己去拎位.... 而且又真係全部都係肉餅餐! 我地每個人嚟到，佢都俾咗碗例湯我地，唔係味精湯，飲完唔會覺得口渴，好似呀媽煲嘅湯咁~ 呢個係推介嘅咸旦黃煎肉餅，佢煎得唔算太香口，不過咸旦黃真心多，我班朋友幾驚我爆膽固醇，同埋唔會太咸，肉餅嚟講真係唔錯，不過我想佢再煎香啲就好了。南瓜粥有點稀，不過南瓜味道不太濃，但對於個胃麻麻嘅我算係咁。由於我地3個人食兩個餐，好友諗住叫個炸雞食下，點知嚟到竟然係..............麥樂雞 !!!!! 喂呀! 同日老麥做緊$10 9件呀，我俾$38都係得嗰5件雞，你會唔會覺得太過份呀~ 你真係拎個雞球，求求其其炸我都無咁嬲。咁講，其實呢間野都係俾附近街坊食下飯，質責都還可以。