影片
更多
2016-06-25
914 瀏覽
尖沙咀最常來到H8搵食，是晚想食的店大排長龍，見chibee新開張，之前食過別間分店不錯，今晚一於轉場。上到黎23樓，環境濶落，枱與枱之間相隔甚遠，放著大大聲的kpop，喜歡k歌的朋友甚為興奮。新開業大概未有酒牌，還沒酒精類飲品可點，那就點個汽水($24)吧，吃炸雞呢啲較熱氣嘅食物食炭酸飲品特別夾，一人一罐仲有冰底，又幾好喎。Spicy tteokbokgi $98唔識韓文睇餐牌真係唔知係咩黎，呢個時候梗系要出動google啦，一搵下原來係年糕，正喎，點一客先。韓式辣醬煮年糕，大大盤好多年糕，煮得軟腍入味，辣中帶甜，但食到底真係幾辣㗎。除左年糕仲有泡菜，魚糕等配料，味道不錯。Korean chicken salad $62想點個沙律無咁膩，但沒有淨沙律，只有呢款炸雞沙律，原味炸雞塊配上大大盤沙律菜。沙律菜中主要係生菜，仲混了蕃茄仔，菠菜，火箭菜，椰菜等，用上酸酸的沙律油，味道清新。Basil pesto cream chicken $178有一盤雞，一碗羅勒醬，少少沙律菜，同一小碗酸菜頭。雞塊基本上同沙律係一樣，原味炸雞塊，炸漿不厚，好脆好香，上面加了芝士粉更添香味，雞肉嫩滑，炸過依然
上到黎23樓，環境濶落，枱與枱之間相隔甚遠，放著大大聲的kpop，喜歡k歌的朋友甚為興奮。
新開業大概未有酒牌，還沒酒精類飲品可點，那就點個汽水($24)吧，吃炸雞呢啲較熱氣嘅食物食炭酸飲品特別夾，一人一罐仲有冰底，又幾好喎。
Spicy tteokbokgi $98唔識韓文睇餐牌真係唔知係咩黎，呢個時候梗系要出動google啦，一搵下原來係年糕，正喎，點一客先。韓式辣醬煮年糕，大大盤好多年糕，煮得軟腍入味，辣中帶甜，但食到底真係幾辣㗎。除左年糕仲有泡菜，魚糕等配料，味道不錯。
Korean chicken salad $62想點個沙律無咁膩，但沒有淨沙律，只有呢款炸雞沙律，原味炸雞塊配上大大盤沙律菜。沙律菜中主要係生菜，仲混了蕃茄仔，菠菜，火箭菜，椰菜等，用上酸酸的沙律油，味道清新。
Basil pesto cream chicken $178有一盤雞，一碗羅勒醬，少少沙律菜，同一小碗酸菜頭。
雞塊基本上同沙律係一樣，原味炸雞塊，炸漿不厚，好脆好香，上面加了芝士粉更添香味，雞肉嫩滑，炸過依然好juicy，熱辣辣又唔油，好味喎。
點了羅勒口味的炸雞，原來會有一個小火窩烘住，keep住熱辣辣，醬汁好creamy好香羅勒味，配炸雞原來好夾，又香又好味，正到點哂所有醬呀！兩個人食左四百幾蚊，價錢不便宜，但味道真的不錯，而且韓籍店員很有型呀～
張貼
