WIRED CAFE (已結業)

同朋友行完街，行到好攰就直接係商場度揾食啦，呢間餐廳真係佔盡地理優勢呀。同朋友叫咗一碟白飯魚明太子意粉share泥食，意粉個汁比較稀身，但都好夠味，意粉軟硬適中，一粒粒嘅明太子份量多，增加口感。因為驚唔夠食，所以仲加多個招牌炸雞窩夫，配搭新穎！炸雞炸至金黃色，但依然保持到肉質鮮嫩。咸味嘅炸雞再偏甜嘅蜜糖窩夫，味道異常地夾，值得一試。甜品方面，就叫咗一個迷你荷蘭pancake，pancake 直接用煎pan上碟，所以手握位會有護墊，避免燙親。pancake 嘅牛油味好重，再加埋糖蜜就啱啱好。