麻辣風雲 (京都廣場) (已結業)

又到左跟朋友食好西嘅時候。整體來講都唔錯！環境方面啲枱真係密質質既，但係坐落正正常常都覺得舒服嘅，只係應該咁啱我坐喺風口位非常之凍😂餐具方面都幾特別，揀咗啲山水畫嘅系列，特別要講一下前菜嘅花生同埋中華沙律都幾好食！雞絲粉皮方面，正常發揮！唔會話去到非常之特別但係絕對係穩陣之選，平時鍾意食雞絲粉皮嘅朋友一個都值得推介！望住個飲品餐牌有少少諗唔到飲啲咩，最後好似叫咗個楊枝甘露定係點，你杯飲品睇落形狀怪怪的，再加上因為佢係一個膠杯，再插着最傳統嘅飲筒，不期然令我覺得其實好似飲水比較好😅但係公平來講大約係合格位置嘅！一定要叫！首先騰雲駕霧嗰種豪氣嘅登場夠晒打卡非常殺食，其次係啲炸饅頭真係高質素，加埋煉奶不得之了！煉奶份量唔算好多，大約係可以沾點每一個饅頭嘅底部，慶幸嘅係我呢啲要將炸饅頭浸喺煉奶度嘅食法，員工都好好會可以比多一碟煉奶！蔬菜類來講，食辣嘢嘅地方絕對唔少得四季豆（個人諗法啦）但係我真係好鍾意食四季豆！呢一間餐廳嘅四季豆高分！清碟😅呢個紅油抄手莫名其妙嘅唔好食，個人認為問題出咗喺入邊嘅餡料。有種唔知點形容嘅奇怪味道。好味！不知不覺就會食晒！