李家 (山林道)

營業中

休息中

去完韓國旅行之後最挂住就係炸鷄，最近聼人介紹【李家】既炸鷄好出名，所以就去左試。【李家】都有幾間分店、今次就去左山林道分店。自選半半炸鷄：有超過10款味道任君選擇、仲可以任選任何半半搭配。有有骨同無骨選擇。我就叫左芝士炸鷄同粟米炸鷄。芝士炸鷄芝士味濃郁、而且用左兩款芝士、鹹甜交織。粟米炸鷄有粟米同粟米片，非常特別。炸鷄有少少粟米味、但唔係特別濃、可能比起原味炸鷄多少少甜味。年糕餃子湯：非常新鮮熱辣、餃子同年糕都算分量好多。湯底加左紫菜，而且唔會好鹹。非常暖胃舒服。餃子非常飽滿。西柚梳打：氣好足同炸鷄好match，又唔會太甜。