美談韓國

營業中

休息中

以前美談喺360附近舊舖，行完山都會幫襯呢間正宗韓國菜，原來搬咗過去海堤灣畔。雖然離車站好遠又有點隔涉，一班朋友都覺得要去新舖試下，東薈城盡頭接駁天橋可以行過去。無訂枱6點去到好彩仲有位。新舖分別有室內餐區和戶外燒烤區。 點餐方法同以前一樣，自己用紙仔寫低，再交俾店員。五位入坐總共有7碟前菜，樣樣好味，記得無得添食前菜。炒粉絲暖暖的，再加埋香濃既麻油👍素菜都好好味無骨炸雞，大大份好多件，每件炸雞都脆卜卜，但又唔會巉口，雞肉又嫩又多汁，個辣雞醬微辣輕甜，非常出色，配埋醃漬剛剛好既蘿蔔粒👍👍辣薯仔排骨菜乾湯，一大煲，好多舊排骨，好味但可惜好唔方便食。第一次點辣菜乾湯，菜乾好出味，再加埋辣辣既湯底，咸香辣好特別，估唔到都好夾👍紫菜包飯/海鮮葱餅/Makgeolli*記得要訂位。餐廳位置雖然隔涉，但星期日晚6點幾已經無位。