Yadllie Plate 야들리애플래이트 (兆萬中心)

食韓國野，點少得炸雞呢！呢度仲要有無骨炸雞添架，啖啖肉。叫左個葱葱炸雞，$108。可惜無骨雞冇得雙拼。炸雞點可以唔配返杯啤酒，西柚啤酒，$68。另外叫左個紫菜手抓飯，$78。同淑女炒年糕，$78。炸雞外脆內嫩，可惜炸雞本身冇咩味，配搭醬汁黎食，個汁係酸酸地，好似醋咁，可以減少炸雞油膩感。但係個人覺得就咁配葱食會好味d, 個汁唔係太配合個味。而啤酒就小小西柚味，啤酒味都比較淡口，好易入口，清清地，唔錯。至於紫菜手抓飯，麻油味重，有d蟹子,所以口感有小小脆，而飯就較黏，比較似糯米質感。店員會係你面前搓飯團，亦都可以自己搓，邊食邊玩。淑女炒年糕，個醬好香，好惹味。不過就辣左D, 仲要辣味係慢慢滲出黎，辣得好過癮。