明棧燒味餐廳 (已結業)

早餐在旺角，媽咪想吃腸粉，見就近這茶餐廳有供應。看餐牌，有點心，有西式早餐，鮮蝦腸粉，即叫即製，粉皮唔太薄，但就幾滑和軟冧，都很多蝦仁同爽口。不過類似酒樓吃的價錢$26，好在是無加一。鮮蝦腐皮卷，唔太油，腐皮香脆。歐陸早餐：香煎雞扒、火腿炒蛋拼意大利軟包。全碟份量都很多，炒什菌和牛油粟米都很香牛油味。香煎雞扒咬落很香脆，但雞扒就無乜肉味。意大利軟包有烘熟，外脆內軟，不錯。