金坊泰國美食

營業中

休息中

「食」對於唔少人嚟講真係好重要，對於我哋嚟講都唔例外。而為咗尋找人生嘅不同味道，絕對要捐窿捐罅搵好嘢食呀！嚟到美食指數極高嘅荃灣，除咗地道嘅港式情懷，仲有主打泰國菜嘅金坊泰國美食。泰式炸豬手豬手嘅形狀大小適中，一口一件，加上帶有鹹香嘅調味，不失為一道佐酒小食。有別於廣東嘅炆豬手，泰式豬手肉質較為煙靭，頗有嚼口。豬手外皮更是炸到脆身，但依然保持肉汁。咖喱軟殼蟹將黃色咖喱汁淋上炸到脆卜卜嘅軟殼蟹，真係令人回味無窮。咖喱味香濃，入口甘香，加上酥香嘅薄餅，真係可以清曬成碟咖哩汁呀！燒鱸魚燒鱸魚嘅時間掌握得好好，燒完嘅魚肉仍然滑溜，而且非常Juicy！點上微辣嘅泰式青醬，更能提鮮魚肉，絕對有畫龍點睛的效果。