美都餐室

營業中

休息中

想黎呢間懷舊feel既冰室好耐, 今日行完Elements就行過黎食晚飯。入到去, 待應哥哥指住張枱叫我地坐, 我問佢樓上得唔得, 因為樓上可以望到多d街景, 佢都好好人咁話"好呀"。樓梯級好窄, 樓底好矮, 我掛住望d紙皮石牆, 爭d就撞親個頭! 蓮子紅豆冰 $25 今次係為左呢杯蓮子紅豆冰而黎, 蓮子佔左個杯差唔多三份一, 粒粒都好粉, 冇苦澀味。 涷檸茶 $18 大少貴為涷檸茶精, 一飲就話勁! 因為茶味好香好濃, 檸檬好新鮮。 焗排骨飯 $48 唔想食焗豬扒飯咁啖啖肉, 所以叫左焗排骨飯。d排骨炸得好脆, 雖然個茄汁獻色水麻麻, 但都算係好好食。 味菜牛柳絲炒麵 $48 冇諗過佢個麵烘得咁脆口, 食到最後一啖都仲係脆既。個獻都唔算杰, 適中, 不過牛柳絲可能因為落多左鬆肉粉, 變左冇咩肉味, 好在都仲係好滑唔鞋口。