鳴門魚湯麵亭 (已結業)

鮟鱇魚因爲見到電視介紹，所以特登走去何文田試下！鋪頭細細，有bar檯同圓檯，好彩我同朋友三點幾去到，無人所以可以揀位坐！餐牌都幾多選擇，有烏冬，咖喱等。既然特別為鮟鱇魚而來，我地order左一個石鍋鮟鱇魚湯豚肉烏冬同一個石鍋鮟鱇魚鮑魚烏冬。個湯好香魚味，清甜，鮟鱇魚肉原來好得意，味道有少少好似oak味，魚肉比較實但唔“鞋“。烏冬鍋有粟米，雞髀菇，冬菇同海帶。整體都幾好味。不過可能因爲石鍋的關係，烏冬食食下已經“林“曬。價錢唔平，要$88同$168！不過既然唔係普通外面食到，都ok啦。