蕃茄仔

營業中

休息中

一直bookmark咗佢好耐，知佢黃店加我好鍾意茄湯，今晚諗住早啲去排隊，點知6點頭已經好多人😢 但為咗食我願意一戰！排隊嘅時候已經決定咗要食牛魔王刀削麵，再加淮山，而朋友就試炭燒雞扒，咁就可以試哂兩款大熱主食🤩一嚟到個碗好大，湯已經望到絕對唔係好似水咁，而係茄蓉咁，一飲已經超滿足！ 調味又剛剛好，刀削麵好有咬口，又掛湯，大推！到餸方面，牛魔王好出色！勁濃牛味又唔韌，雞扒都係香脆同滑真係好好味！淮山正常發揮爽口啦，成件事好夾好滿足，我最後清哂啲湯😚😚 蕃茄湯為我嘅星期日畫上一個完滿句號！希望大家都繼續支持黃店！