Kim's Spoon (MegaBox) (已結業)

成日行過MegaBox見到嗰個芝士排骨太過分!!成日唔夠人食，終於等到啲舊同學一齊食，當然係叫最大份嘅芝士排骨辣炒雞炒年糕炸雞翼拼盤。好肚餓又亂叫嘢食，叫埋芝士蛋卷、五花肉、豆腐沙律同埋啲飲品坐低狂食啲泡菜。豆腐沙律清清地幾好味好開胃。芝士蛋卷唔夠熱，啲蛋老左冇流心⋯⋯五花肉就真係好味道肉爽。最期待嘅芝士排骨炒雞年糕炸雞翼拼盤😍先講個辣炒雞啲年糕好林淋，個汁好好味係唔夠辣。不過啲雞真係老左⋯⋯雖然係樓下有啲蠟燭慶住，但係真係老左啦。個排骨得三條唔夠我哋四個人，炸雞翼又係得三隻，雞翼就普通靠點個汁。薯條幾好味同酸忌廉好夾。用排骨點啲芝士拉絲真係幾好味既好飽，多可能會好濟哈哈少吃多滋味。飲品叫左桃味真露梳打沙冰、士多啤梨梳打沙冰、同青蘋果啤酒梳打沙冰，好大杯一支支倒插響杯，好味。