中村藤吉 (已結業)

係外國生活過時，已經聽過香港開咗間來自日本嘅綠茶店，期待緊返香港個時一定要去一次，係九月頭終於去到。我哋一行三人，為咗一日16份限量嘅蕨餅，九點幾就已經去咗排隊，仲排第二。 係the one中庭攞籌，之後上到去18樓等佢安排入去。外面景色可以望到尖沙咀，紅磡，遠眺中環，維港景色。入到去已經有個茶壺放咗係度，侍應話係培茶，入落口幾清新，唔會話苦。因為係11點，所以點都要叫個飽肚嘅食物，就叫咗個冷抹茶烏冬定食。個烏冬係就係冇綠茶味架啦，不過個口感好彈牙，唔會話煮過頭，而且我最欣賞嘅係佢哋個汁，點完之後令到成個烏冬加分。最失望嘅係佢哋個飯，上面個啲粉話係有梅子，但係就唔多感覺到，不過整體黎講呢個定食都不錯。食完main嘅，緊係要叫甜品啦。第一個就係抹茶生茶啫喱。佢啲啫喱同丸子唔會粉，但係個雪糕係超級快溶，所以食果時要快。另外，我哋都叫咗個培茶生茶啫喱。同上一樣啦，比較個雪糕，我個人鍾意抹茶多啲，因為我係綠茶控。但係培茶嘅茶味都好濃，睇你哋嘅個人取向啫。之後就係個抹茶加黑蜜糖冰。綿綿嘅冰唔會一舊舊，入口即溶。加咗抹茶同黑蜜糖糖漿唔會話太甜，味道適中，是一個不錯之選。排咗咁耐隊，終於等到抹茶蕨餅