影片
更多
2019-01-12
68 瀏覽
難得準時收工，同同事去happy hour 兼食晚飯。這間girlboss 很久之前來食過龍蝦包和意粉，幾好味。今次睇佢餐牌，原來出咗個Bossy Royal Set $368加一服務費，睇落好多野食，決定再次幫襯。因為套餐不包括飲品，所以點了兩杯沙冰。 兩杯飲品先上，一見到超驚喜！好fancy。Unicorn dream $58, 見到粉紅粉藍的沙冰，加彩色棉花糖嘅感覺，真係超治癒！有不吐不快的工作壓力，見到這杯夢幻獨角獸即刻開心曬！ 朋友點的，說味道偏甜，不過都成杯食曬，因為呢杯飲品令人好開心！Super woman $58, 見到又係大大杯，仲有四分一個火龍果插在杯邊裝飾，真係睇得又食得！ 沙冰有火龍果肉打碎了，所以會見到有些黑色點點在沙冰裏。沒錯，我就是喜歡火龍果，排毒一流！味道尚算清甜。 感覺這裡的飲品其實都是為女生而設，很懂捕捉女士心理。沙律或湯，可選兩款，我們兩款都揀沙律。黑松露醃漬蕃茄仔瑞士芝士玻璃杯沙律，個名好長， 不過真係講曬有咩配料畀你知，要從玻璃杯倒出嚟食， 倒出後即刻聞到好香黑松露味，醃漬蕃茄仔酸酸地，加黑松露香味原來好夾，好香！ 醃漬還沾在沙律菜上，取代了沙
這間girlboss 很久之前來食過龍蝦包和意粉，幾好味。
今次睇佢餐牌，原來出咗個Bossy Royal Set $368加一服務費，睇落好多野食，決定再次幫襯。
因為套餐不包括飲品，所以點了兩杯沙冰。 兩杯飲品先上，一見到超驚喜！好fancy。
Unicorn dream $58, 見到粉紅粉藍的沙冰，加彩色棉花糖嘅感覺，真係超治癒！有不吐不快的工作壓力，見到這杯夢幻獨角獸即刻開心曬！ 朋友點的，說味道偏甜，不過都成杯食曬，因為呢杯飲品令人好開心！
Super woman $58, 見到又係大大杯，仲有四分一個火龍果插在杯邊裝飾，真係睇得又食得！ 沙冰有火龍果肉打碎了，所以會見到有些黑色點點在沙冰裏。沒錯，我就是喜歡火龍果，排毒一流！味道尚算清甜。 感覺這裡的飲品其實都是為女生而設，很懂捕捉女士心理。
沙律或湯，可選兩款，我們兩款都揀沙律。
黑松露醃漬蕃茄仔瑞士芝士玻璃杯沙律，個名好長， 不過真係講曬有咩配料畀你知，要從玻璃杯倒出嚟食， 倒出後即刻聞到好香黑松露味，醃漬蕃茄仔酸酸地，加黑松露香味原來好夾，好香！ 醃漬還沾在沙律菜上，取代了沙律醋，味道真的酸淡得宜，好味！
烤南瓜松子仁雞絲沙律，分量比玻璃杯沙律多。烤南瓜好淋，食落好香，原來佢個沙律汁係柚子醋，灑在雞絲和沙律菜上，味道又係好清香，雞絲的煙韌口感配沙律菜的爽口，還有松子仁的香口， 有多重口感和香味，我比較喜歡這個沙律呢！
可選兩款appetizer, 選了香草白醬焗大蜆薯蓉， 見到香噴噴嘅白醬，濃得似芝士，烤成金黃色，蜆肉連著白醬一起吃，口感變得更煙韌，鮮味也能被白汁包圍著，下面的薯蓉粉質幼滑，這個appletiser 雖然細細碟，但係有薯蓉也覺得飽了一半。
脆炸虎蝦•炸魷魚圈•紫薯片， 職員介紹兩個醬汁，蒜蓉蛋黃醬， 用嚟點兩款炸物；醃蕃茄醬， 用來點紫番薯。
醃蕃茄醬幾得意，似食沙律嘅番茄粒，微微酸味，紫薯本身香甜，配蕃茄食又幾特別。不過，就算唔點醬，紫薯片都好好食，又脆又香甜。炸虎蝦幾大隻，蒜蓉蛋黃醬的確好香蒜蓉味，所以點埋醬汁增加香口感，和令口腔濕潤一點；炸魷魚圈煙韌有咬口，一邊食呢啲香脆小食，一邊傾計，真係係最佳配搭。
主菜可選一款全份加兩款半份，用三層架盛著，即刻好有afternoon tea 感覺。
海鮮拼盤，有海蝦、魷魚、帶子、蜆。
帶子比較細隻， 味道淡一點，不過點咗佢個特製茄汁，就非常好味，因為裏面有橄欖、魷魚、青檸汁等拌勻，令味道酸甜帶清新；海蝦的size適中，非常新鮮爽口； 蜆肉都係細隻啲，同埋味道清淡d。覺得這裏的海鮮煮法，就是清蒸後，加上西式的醬汁調味，所以不要期望是中式煮海鮮的味道，簡單清淡就是了。
巴馬火腿四重芝士薄餅，是半份size, 所以 不怕吃不完。切開四件，每人吃兩件剛好。是薄批，以為會是脆身的，但原來是十分煙韌有嚼勁的，使用的麵粉很優質，令薄餅底非常好吃。芝士和巴馬火腿味道帶鹹，與煙韌的薄餅底一起吃，口感越嚼越有勁！這個薄餅我也很喜歡。
煎帶子芝士蘆筍意大利飯，口感al Dente ,當然已調配置適合香港人口味，米不算太生。煎帶子非常鮮甜而且大隻d，伴著意大利飯裏的芝士和蘆筍一起吃，又有多重口感，爽脆、煙韌於一身，味道香而不膩。
埋單$532,整體感覺這裏煮的西餐味道不錯，薯蓉和pizza是我覺得最好吃的 因為這是特別為女生而設的餐廳，所以食物也真的迎合女生口味，特別精緻，賣相靚，還有為女士炮製的飲品，賣相美得一定要打卡。
張貼
