kikusan (已結業)

今日放假特意去銅鑼灣渣打馬拉松嘉年華睇下，點知原來三點先開門，所以我地決定去附近食個午餐先！上網睇左陣見大家都話小籠包好食，所以我地就簡左呢間。lunch set大約是80-160左右。我地叫左兩個lunch set，分別是豬排擔擔面同魚香肉餅飯，媽咪話她既擔擔面感覺普通，但我覺得我個肉餅飯就唔錯，入面攝左塊荷葉，所以食起上嚟有荷葉味。每個lunch set有一個點心籠送，入面有一粒小籠包同一粒蝦餃，仲有跟一杯柚子茶。埋單因爲有折就免加一，兩個人食左180，雖然有點小貴，但在場都幾多上班族食。