阿元來了 (已搬遷) 新店位置

今日星期日想去遠啲既地方行下，唔知去邊，就上OpenRice 睇下邊度有美食就去邊，見到阿元來了排第一，咁我地就專程去試一試佢。去到都差唔多兩點，見到門口排長龍。可以問佢拎完飛去行下再返來，唔使企定定等。等左一個鐘到先入得去，入面都幾窄。我地叫左6樣野食。滷味拼盤有蛋、豬大腸、雞翼同豆腐。豬大腸冇騷味，好好味。雞翼好入味，好好味。豆腐都幾好，雞蛋就冇咩特別。香菇肉羹個樣有啲碗仔翅，入面有菇片同大大舊既肉，口感似碗仔翅，味道就似台灣麵線。魯肉飯我估應該係必食既，因為我見台台都有叫😂。魯肉飯細細碗，啲肉都算多，啲肉好淋，好入味，啲魯肉汁夠多，夠撈晒成碗飯來食，好味。鹽酥雞炸得幾脆，冇乜油，雞肉嫩滑，唔鞋，真係好好味。蚵仔煎都係呢間店既推介之一，佢既蠔仔算大粒，好飽滿。佢既底加左某種菜（我唔知叫咩名😅）特別香、特別好味。皇室奶茶都幾好，加左珍珠，但珍珠就唔夠煙韌。總括來講幾抵食👍🏻，幾好味。