Springtime (已結業)

之前係附近做野，唔想日日茶餐廳，頹飯，諗住間唔中都對自己好啲。一開始係睇中佢個三文魚牛油果漢堡（唔好期待佢有好多牛油果，只係會有少少牛油果醬），應該啱夏天嚟食，仲懶健康咁揀跟沙律唔要薯條，再加$12要杯薏米水（全名係“檸檬雪梨薏米水”)點知最後係比佢個杯薏米水又香又甜吸引住，念念不忘咁今日落大雨都要再黎。三文魚漢堡都唔錯嘅，個包有用牛油煎香，個沙律都唔係hea你，而我食埋杯薏米就好夠飽啦，下次會再黎試埋其他野。唯一係要自己QR code 落單俾錢同執返啲餐具，可能有人唔鍾意啦，但如果你就係唔想同人講野就好適合啦。