Lava Java 咖啡西餐廳 (已結業)

今晚同朋友即興約食飯，人大左反而喜歡即興，因為平時都難夾時間。朋友住牛頭角懶得出黎，唯有我搭黎近佢食飯啦。佢帶左我黎哩間樓上cafe，佢話實冇介紹錯喎，咁我又信佢啦！之前睇相已經諗定好叫哩杯龍貓朱古力，哩杯熱飲太可愛喇。薄荷味既朱古力係我至愛呀！影完一輪都唔捨得飲呀～我地叫左個意粉同肉share 食。先上枱既係黑松露闊條麵，聞到好香既松露味，口感creamy唔干身，而且仲有好多菇菌好味！再黎既係一份combo，我地揀左安格斯肉眼七成半份同豬肋骨半份，再加埋薯條。雖然七成上枱都有d熟，但安格斯肉質嫩滑都冇影響到口感。豬肋骨個醬汁野味開胃，薯條炸到金黃色熱辣辣超正！今晚又係大滿足既一餐，下次有朋友生日或者聚餐我都會揀黎再食呀。