漁場台風

營業中

休息中

平時dinner來食拉麵就食得多(3次算唔算多?)，lunch食沾麵就第一次，所以要同大家share下。11:55am未開門已經有人排隊等，12:03pm就放人入去啦～(遲咗3分鐘喎) 平時夜晚拉麵有四種，lunch沾麵就得三種，我要左黑芝麻味，老公就要蕃茄海蝦味。另外沾麵有得揀凍定熱，我哋叫晒兩種試吓。個黑芝麻湯好香，一上枱熱辣辣香噴噴，我食熱麵，沾熱湯，會比較軟(我個人喜歡較軟的麵)，個湯食落唔算濃，聞落好香但食落冇乜芝麻味⋯ 有點失望！至於番茄海蝦味就正好多！雖然個湯主要係番茄味重，再加啲櫻花蝦，味道好濃郁，蕃茄味酸酸地，個湯就咁飲都得！老公食凍麵，食落就彈牙d, 但食到一半個湯就凍左，不過唔緊要，因為台風有熱石幫客人熱返個湯 總結，我會推介番茄海蝦湯配熱麵。不過，我覺得都係普通拉麵好食啲。而旺角同荃灣兩間分店，我首選都係荃灣店！因為荃灣店嘅水準好好，每次食都好好味，旺角店就有啲參差。