廣成冰室 (裝修中)

一直未有專程去上水呢個地方搵食，今日就碌入去飲個紅豆冰先。廣成冰室，老舊既門面，牆上掛著老舊的餐牌，食物款式不多，受歡迎既主要係蛋治、菠蘿油、牛肉通、紅豆冰。而今日既目標只係紅豆冰同菠蘿油。紅豆冰賣相的確係特別，好多紅豆，不過由於係冰塔既關係，剛送來既時候唔夠凍，要攪多幾攪先開始凍。菠蘿油口感實在，但因為有比較，只覺得一般，假如新鮮熱辣可能會高分少少。下次還是試蛋治+牛肉通粉好了。