Freshness Burger (已結業)

　重九登高，老友約先去Freshness Burger食早餐，貪佢近火車站。餐牌六個早餐之中，其一個是素食奄列、沙律加牛角包，咖啡或茶，睇落唔錯；重有一些小食同菜沙律是素食全堂衹有兩枱客，由落單至出餐總共１５分鐘，好彩冇趕時間。奄列煎過籠，好乾，奄列餡＝沙律；沙律大約有一湯匙滿的份量，是暖的；牛角包可能被翻釘，硬嗗嗗，卜卜脆；最詭異的是奄列下面那一塊西生菜，是透明的。老友話，重話Japan No 1 premium burger，一次就夠，以後唔會幫襯，費事老闆浪費好好的食物。我都係噉話，材料唔係唔好，不過整得好馬虎好馬虎，找不到絲毫日本人的細緻。洗手間在３樓，要行翻出大堂搭長的扶手電梯直上轉左。