影片
更多
2024-01-15
1352 瀏覽
慕名而來，因為講真係香港有得堂飲【貓屎咖啡】嘅餐廳，似乎比較難搵，所以專登走過嚟品嘗。舖頭喺街角地鋪，又係獨立店舖，有佢嘅特色，舖面都唔細。因為冇乜人，專登揀bar檯可以望下出面。老闆比較豪快率直，會催你落單：「點呀？度掂未呀？」相信熟落咗嘅客人感覺就會好啲。咁就即點杯＄１１５印尼貓屎咖啡 + 雙拼鴨胸炒蛋三文治＄３５，都係第一次飲咁貴嘅咖啡。咖啡比三文治早到，清徹度還可，反影到對面大廈，溫度就頗熱（雖然仍可接受），但呢個熱度可能有啲問題。正所謂有期望就有失望，好抱歉，真係唔覺有乜咁特別，係連標榜獨特果香都唔係好覺，我覺得同其他cafe嘅single origin沒什分別，我就飲唔出分別（可能我唔識嘢啦！）呢杯咖啡，絕唔係劣，只係唔值。本值３分，但由於價錢超過一舊，總體被迫拖抵一分，只值２★。飲完咁我知道呢間店嘅路線喇。三文治出場，呢個竟然有驚喜，用心制作，厚切炒蛋包住切條嘅鴨胸，烘底多士，成份熱辣辣好好食，座底４★！呢區唔會太多人流，舖頭如唔太多人嘅話環境都唔錯。Bar櫈就麻麻地，一定要一隻腳踩住自己張櫈，另一隻腳踩另一張櫈咁會舒服啲。舖外原來都有Bar檯，食完咁啱有人坐出面，雖然隔
慕名而來，因為講真係香港有得堂飲【貓屎咖啡】嘅餐廳，似乎比較難搵，所以專登走過嚟品嘗。舖頭喺街角地鋪，又係獨立店舖，有佢嘅特色，舖面都唔細。因為冇乜人，專登揀bar檯可以望下出面。
老闆比較豪快率直，會催你落單：「點呀？度掂未呀？」相信熟落咗嘅客人感覺就會好啲。咁就即點杯＄１１５印尼貓屎咖啡 + 雙拼鴨胸炒蛋三文治＄３５，都係第一次飲咁貴嘅咖啡。
印尼貓屎咖啡
$115
52 瀏覽
0 讚好
0 留言
正所謂有期望就有失望，好抱歉，真係唔覺有乜咁特別，係連標榜獨特果香都唔係好覺，我覺得同其他cafe嘅single origin沒什分別，我就飲唔出分別（可能我唔識嘢啦！）
呢杯咖啡，絕唔係劣，只係唔值。本值３分，但由於價錢超過一舊，總體被迫拖抵一分，只值２★。
飲完咁我知道呢間店嘅路線喇。
三文治出場，呢個竟然有驚喜，用心制作，厚切炒蛋包住切條嘅鴨胸，烘底多士，成份熱辣辣好好食，座底４★！
炒蛋鴨胸三文治
$35
45 瀏覽
0 讚好
0 留言
舖外原來都有Bar檯，食完咁啱有人坐出面，雖然隔咗塊玻璃窗，但都好近面對面好似搭檯咁，呢下我好唔中意，好彩都準備走。
以後不時或者都會再嚟encore飲啡嘅，就今次嘅經驗，下次都唔駛試（本來想試）嘅另一貴價咖啡【牙買加藍山咖啡】喇〜
題外話/補充資料：
如果標榜虹笈或手沖咖啡，尤其落單係最貴嗰兩款，最好喺制作之前show一show俾個客睇下你啲豆、包裝等等。
不過如果啲咖啡豆原來一早已經磨定粉咁我就冇嘢好講喇。
(以上食評乃用戶個人意見 , 並不代表OpenRice之觀點。)
張貼
