薩莉亞意式餐廳 (已結業)

今日難得有假放又突然好想食PIZZA, 點知行街見到薩莉亞, 於是拖住為食既驅殼入左去啦......香辣雞翼 - 4隻($17)雞翼外表金黃焦黃, 食落香脆嫩滑, 微辣既味道同雞翼十分MATCH, 而且溫度岩岩好, 熱熱地, 好好味!!!卡邦尼煙肉意粉 ($29)份量適中, 芝士味濃, 黑胡淑既味道與煙肉味道十分夾, 再加埋香濃既汁, 好好味啊!!雙重芝士地中海薄餅 ($42)見到佢有得加芝士, 於是就加左。一上枱感覺好似同原本冇咩分別, 點知一切落先知都幾厚啲芝士。食落芝士同海鮮味道好夾, 值得一試。終於填飽肚, 繼續再行過....