Chop Chop 食神叉燒 (新城市廣場) (已結業)

今次為食貓兩母子來到“ Chop Chop 食神叉燒”，因為仔仔之前無意之中睇左電視重播食神，知道入面碗叉燒飯叫黯然銷魂飯，咁岩我又睇到d 朋友ig 見到有（戴龍）做餐廳顧問,所以就來會一會個飯睇下掂唔掂。⚛ 黯然銷魂飯 ～ 叉燒每人鍾意的口味唔同，我同仔仔就幾鍾意，因為燒得唔錯有焦香味，肥瘦適中， 仲要叉燒份量幾多下， 另有一隻太陽蛋，淋上自家製醬油幾好下飯。⚛ 食神炒飯 ～ 睇到咁多蟹籽已經加分， 用左叉燒粒和蝦粒去炒，炒飯炒得夠乾身， 忍唔住食哂。⚛ 燒味雙併 ～ 燒鵝💗💗💗拼切雞， 仲要有燒鵝肶，皮脆肉嫰，果下油香即令人食多兩啖飯，仲有切雞配薑葱蓉，真係好夾。最後嘆返杯🥤凍檸蜜和🥤凍檸賓，爽YY。