彤 (已結業)

尖沙咀新開咗一間Omakase，所以為食妹就為大家實測啦。🤩🧐環境：裝修非常精緻，充滿和色風格，有和風擺設例如吊櫃等等。食材都係師傅現場即製。🥢北海道馬糞海膽+富山灣白蝦+三文魚籽醬油漬可以見到師傅認真製作呢啲味菜嘅過程，將材料細緻咁放落一個似甜品杯嘅玻璃杯上，令到成道菜更加高貴。最好嘅食法就係將蝦點上海膽同三文魚籽，咁就一次過有三重口感。🥢北海道產厚岸真蠔大大隻蠔號非常搶眼，擺盤亦都好精緻。啖啖肉嘅蠔非常鮮，有好突出嘅甘甜味。如果加埋佢上面嘅日本刺身水母，更加有一種滑嘟嘟嘅口感。🥢鰆魚係用稻草煙燻烹調，所以會有淡淡嘅稻草煙香味。呢種魚本身質感亦都非常獨特，細嫩柔滑令人吃不停。🥢秋刀魚壽司切得非常之靚，上面有一條條嘅坑紋。秋刀魚刺身會有一種與血味，如果鍾意呢種味道嘅人都可以試下。當然魚香亦都好重，上面配有蔥花可以平衡少少血味。