影片
更多
2014-01-18
1564 瀏覽
咁為食既我~但又好懶既我~終於的起心肝寫第一篇食評 *v*是日，係某d原因下，H先生竟然記得我之前講過想試呢間野，於是乎終於有機會黎食luuu由於我處於雙失既狀態，所以可以早d去拎位(之前見過多人要等)我七半早少少先到，啊！唔駛等位喎，仲得幾檯人(雖然佢都係得十幾張檯)好開心之下，係門口慢慢睇埋有咩食，先入去揀個靚位坐坐低之後，陸陸續續有人入黎(唔多)，見侍應都會主動拎餐牌比客人，唯獨唔拎比我？？？可能我坐左角位又或者見我等人啦~~~唔緊要 八點零H先生終於到~拿拿聲叫侍應比份MENU(佢都好似準備拎比我地)睇左一輪，H先生不嬲都無咩意見(或者佢知我太多野想食XD)，所以我每次都只好比a同b佢，叫佢揀。輕食：我見多數係d靚靚三文治/細細份既粉/toast/salad/waffle/特色飲品/咖啡茶/......(我見大部分sell輕食既餐店都係賣呢幾樣，不過重點係，幾乎樣樣都係我最愛，哈)呢間SPADE都係差不多~ 一份主食，可另加飲品(under$30)/湯(每日一款)/炒雪糕(好多款呀)做set。仲有D toast 甜品等等等......由於係晚飯時間，淨食toast對我呢講，硬
是日，係某d原因下，H先生竟然記得我之前講過想試呢間野，於是乎終於有機會黎食luuu
由於我處於雙失既狀態，所以可以早d去拎位(之前見過多人要等)
我七半早少少先到，啊！唔駛等位喎，仲得幾檯人(雖然佢都係得十幾張檯)
好開心之下，係門口慢慢睇埋有咩食，先入去揀個靚位坐
坐低之後，陸陸續續有人入黎(唔多)，見侍應都會主動拎餐牌比客人，唯獨唔拎比我？？？可能我坐左角位又或者見我等人啦~~~唔緊要
八點零H先生終於到~拿拿聲叫侍應比份MENU(佢都好似準備拎比我地)睇左一輪，H先生不嬲都無咩意見(或者佢知我太多野想食XD)，所以我每次都只好比a同b佢，叫佢揀。
輕食：我見多數係d靚靚三文治/細細份既粉/toast/salad/waffle/特色飲品/咖啡茶/......(我見大部分sell輕食既餐店都係賣呢幾樣，不過重點係，幾乎樣樣都係我最愛，哈)
呢間SPADE都係差不多~ 一份主食，可另加飲品(under$30)/湯(每日一款)/炒雪糕(好多款呀)做set。仲有D toast 甜品等等等......
由於係晚飯時間，淨食toast對我呢講，硬係唔太夾，一定要食正餐~
但如果食完正餐再加個toast又一定食唔哂，所以今次無緣啦(唯有等下次)
兩份主食要左卡邦尼吸管麵(但黎果時變左意粉既???)同三文魚墨汁包(其實d名我唔太記得)
由於第一次食，咩都想試，所以我好貪心咁，兩個都加哂飲品、湯同炒雪糕
卡邦尼 around $70，三文魚墨汁包 around $40，另再加
1款: +$20
2款: +$35
3款: +$45
埋單都二百多d~~~ (呢度係自己出去counter點餐)
之後佢會比個牌你，整好就會送去你檯。服務員都好貼心，問我雪糕係咪後上~ good!
先黎兩杯野飲~ H先生只愛凍飲，叫左杯iced latte比佢~ 我就要左杯flat white(L)~ 兩杯都要另再加錢
我一向都覺得呢類咖啡太苦(我知係我唔識飲) 不過連H先生都覺得杯iced latte偏苦(佢係飲野唔落糖/落好少)但係飲得出好醇同好香濃既咖啡味(即使係iced)
至於杯flat white，拉花好靚，我應該係為左個拉花先叫-___-' 嘻~~
一入口已經係微溫，其實係咪都係用凍奶沖？？但我飲過其他又係熱架啵面頭d奶泡好滑，我落左包半糖(d專業飲咖啡既人應該覺得我哂左杯野)，ok la
再黎就係南瓜湯啦~ 救命呀~~~~呢個真係好好飲!!!!!!!!!H先生都大讚~~
成個湯都充滿南瓜茸，好rich，個味又岩岩好(無就咁食木瓜果種怪味/同埋我唔好木瓜架)
到主食~個三文魚墨汁包真係麻麻地，入邊既料其實都新鮮，只係個「墨汁包」一d都唔鬆軟，又唔係脆，又唔係法包果隻，而且無味，係真係無味，食方包都有少少奶香味，呢個真係乜都無，有d失望。
卡邦尼係我最愛之一，呢間整得唔錯，麵質有彈性有咬口，d汁又夠creamy，咸淡適中，每一條意粉都沾到d汁，好好食呀。(我唔記得影呢個><)食哂野，就可以上炒雪糕。之前次次都食唔到(其他間)，終於第一次食就比左SPADE~
佢D炒雪糕真係好多款，揀左兩隻~ sor，我真係唔記得左個名。
所以睇圖~
白色既好好食(偏甜)，花生醬真係超夾，仲有d oreo定brownie，又唔記得tim，炒埋一齊正!黑色既都ok(偏苦)，明明係朱古力，但佢朱古力味唔出，食落亦唔夠rich，配料冇白色既咁夾，所以就差少少了。不過炒雪糕有得跟set要埋，其實價錢算好抵，其他店淨炒雪糕都賣得好貴!
食滿$250 可以申請做會員，有9折優惠。我張單得二百多d，唔夠，咁岩隔離檯走左，見有張單喎，我就拎左過黎 ，做埋member(好似要一星期內累積消費滿$250)
佢地menu上介紹係香港本地自己開辦架，食物方面睇得出有心既。
我下次要set應該跟湯同炒雪糕就好了~~~~~
多謝大家~ 原來我都幾長氣
張貼
